باريس مبولة عامة

باريس مش "#اللوڤر" و بس
باريس مش "#برج_إيڤل" و بس.
باريس مش "#كنيسة_نوتردام" و بس.
باريس مش "#قوس_النصر" و بس.

و باريس مش نسبة رسمية ١٠٠٪؜ #تحرش بالنساء في المواصلات العامة و بس.  

باريس كمان يعني مشكلة قضاء الرجال لحاجتهم في الشارع و الأماكن العامة.

في ٢٠١٧، تم تحرير اكثر من ٥٣٠٠ غرامة مالية لرجال في باريس بسبب قضاء حاجتهم بالشارع.

  قضاء الرجال لحاجتهم (#پيپي 😁) في الشارع تعتبر من المشاكل الكبيرة اللي بتواجه الحكومة في باريس.

في ٢٠١٧ زادت الغرامات بسبب الفعل دا بنسبة ١٦٥٪؜ عن ٢٠١٦.

في شهر مارس الماضي، بدأت عمدة مدينة باريس، "آن هيدالجو"، تنفيذ فكرة جديدة لمحاولة حصر السلوك المؤذي دا واللي مش بيقل و اللي، بطبيعة الحال، اعداد اللي مش بيتم محاسبتهم على فعلهم دا أكثر من ٤ اضعاف اللي بيدفعوا الغرامات.

فكرة آن هي وضع مجموعة من الصناديق في مناطق متفرقة في المدينة بأماكن مفتوحة تسمح للرجال بقضاء حاجتهم فيها و إللي اخدت اسم "يوريتروتوار" او "#مبولة_الرصيف" 😃.

طبعاً الموضوع دا ماعجبش مين كالعادة ؟ حبايبنا #النسويين و #النسويات. اللي هو إزاي تسمحوا للذكور فقط بقضاء حاجتهم في الاماكن العامة و القانون الفرنسي مش بيسمح للنساء بإظهار صدورهم لإرضاع أطفالهم في الشوارع ؟

طبعاً مظاهرات و احتجاجات قامت بيها النسويات و تم تخريب عدد من الصناديق و صب اسمنت فيها لمنع استخدامها.

"جويندولين كويبولت" احد اعضاء منظمة "فيم سوليدير" النسوية قالت انها ماتعرفش واحدة بتزور باريس بشكل دوري إلا و شافت راجل بيعمل پيپي في الشارع أو في المترو و صرحت بأن "الصناديق دي مجهزة لراحة الرجال فقط و دا نوع من انواع العنصرية ضد النساء" 

أد إية باريس جميلة يا جماعة و أد إية الفرنسيين شعب متحضر بجد.

مصادر : https://bit.ly/2LDHFEAhttps://bit.ly/2onNcX2

Posted in: مقالات عامة