أعلنت شركة "#ديزني" عن عرض أول فيلم في تاريخها، "#Jungle_Cruise" العام القادم ٢٠١٩، فيه شخصية محورية توجهها الجنسي الصريح #شاذ_جنسياً.
الكوميدي في الموضوع مش فقط أن الشركة اللي بتنتج لأولادنا أفلام الكارتون و الأنيميشن و المشهورة بالإنتاج العائلي بدأت تعرض حاجات بالقذارة دي، الكوميدي أن مجتمع الشواذ صب لعناته على الفيلم و منتجيه لأن الممثل إللي هايقوم بالدور في الأصل مش شاذ.
تعليقات #الشواذ كانت بتصب فيما هو : "إزاي إللي يقوم بالدور دا شخص مش بيمثل مجتمع الشواذ برغم وجود ممثلين شواذ كثير كفاءة و يقدروا يقوموا بالدور كويس جداً" ... دا على أساس يعني اننا لو حبينا نعمل فيلم فيه سفاح نروح نجيب واحد مجرم حقيقي و لو عايزين نعمل فيلم سينمائي عن داعش نتعاقد مع أبو بكر البغدادي يوردلنا واحد من الرجالة يقوم بالدور.
.
.
.
من حوالي شهر كدا تراجعت الممثلة الأمريكية "#سكارليت_جوهانسن" عن تمثيل دور في فيلم جديد عن قصة حياة زعيم عصابة في السبعينيات كان متحول جنسياً. تراجع سكارليت حصل بعد ما مجتمع الشواذ صب لعناته على الفيلم و فريقه و دا لأن ما شاء الله صناعة السينما مليانة بمتحولين جنسياً فإزاي ماتجيبوش حد شمال يمثل الدور دا صح ؟
الغريبة بأة أن فيلم "#Bohemian_Rhapsody" إللي هايتم عرضه في شهر أكتوبر القادم و هو عن قصة حياة المغني البريطاني الشهير "#فريدي_ميركوري" قائد فريق "#كوين" المعروف بكونه من اوائل المغنيين إللي أعلنوا توجههم الجنسي الشاذ و إللي مات بالإيدز قام بدوره الممثل "#رامي_مالك" المصري الأصل و إللي مش شاذ جنسياً. وللا دي مقصود تتمرر بكون رامي من أصل عربي بالرغم من أنه ابن أسرة مسيحية أرثوذكسية ؟ صحيح هو الكنيسة المصرية ماتبرأتش منه لية ؟
التطور دا طبيعي جداً و مش غريب خالص. هو انتوا فكرين إية لما تعطي الحرية لشوية منحرفين ؟ طبيعي هايبدأ يتسلط و يعيد تشكيل المفاهيم على مزاجه بما يتناسب مع مصلحته ومش بعيد خالص مع الوقت نبأى احنا اللي شواذ و هما إللي طبيعيين.
#سكتناله_دخل_بحماره.
0 التعليقات:
إرسال تعليق