"لورا بلامر - Laura Plummer" مواطنة إنجليزية عمرها ٣٣ سنة و متزوجة من شاب مصري أسمه "عمر سعد".
في شهر أكتوبر إللي فات، لورا وصلت مطار الغردقة و أثناء تفتيش شنطها تم العثور على ٢٩٠ قرص ترامادول قالت أنهم لجوزها علشان بيعاني من آلام بالظهر.
لورا تم الحكم عليها بالفعل ب٣ سنين و دخلت سجن القناطر.
بعد شهر في السجن، أختها إللي بتشتغل في السياحة، فضلت تكلم طوب الأرض و تناشد السلطات و وسائل الإعلام علشان تخرج أختها من السجون المصرية إللي العيشة فيها جحيم.
إمبارح لورا خرجت من السجن و رجعت بلدها بعد ما تعطف عليها صاحب القلب الطيب و أصدر أمر رئاسي بالعفو عنها.
٣ شهور فقط قضتها لورا في السجون المصرية بعد الحكم ب٣ سنين و لو كان اتحكم عليها في ديسمبر كانت هاتخرج برضة إمبارح علشان قرارات العفو مرتبطة بالأعياد الرسمية و إللي إرتبطت في حالة لورا ب٢٥ يناير.
إحنا مانرضاش أن الشباب الإنجليزي المحترم يقضي شهرين في سجوننا علشان كام قرص مخدرات.
إحنا برضة ولاد بلد و نعرف إزاي نتعامل مع الحريم "الإنجليزي".
😒😒
0 التعليقات:
إرسال تعليق