الحضارة الغربية و الحريات

(١)

أمريكية تحكي عن زوجها "شون" إللي اتجوزته في سن ٢٣ سنة و عاشوا مع بعض ١٢ سنة لغاية ما في يوم قابلت "كريس" و قضت معاه عطلة أسبوعية رجعت بعدها تطلب الإنفصال من شون لأنها ماكانتش عارفة توازن بين حبها لجوزها و إحتفاظها بحبيبها الجديد. الست بتقول أنها فوجئت لما لقت زوجها، شون، متفهم المسألة و لما طلب منها تفضل معاه و تحتفظ في نفس الوقت بجبيبها الجديد عادي.

الست بتحكي أن كريس كان في الوقت دا بينفصل عن علاقة سابقة علشان يبدأ العلاقة الثلاثية الجديدة مع الهانم اللي احتفظت بيه مع علاقتها بجوزها شون.

المهم شون بدأ يتعرف على ستات تانيين غير زوجته. و لأنهم كانوا متفقين على بقاء العلاقة بينهم بالشكل دا فماكانش عندها مشكلة. و بعد سنتين، الست صاحبة القصة قطعت علاقتها بكريس بعد خلاف. و لأنها كان صعب عليها ترجع لحياتها الأحادية السابقة، فبدأت هي و شون جوزها يتعرفوا على غيرهم و هما متجوزين و متفقين على الحياة دي.

دلوقتي الزوجة عندها صاحب جديد، مورجان، إللي عايش معاها هي و جوزها، كريس، في نفس البيت بقالهم سنتين.

http://www.prevention.com/…/im-in-a-polyamorous-relationship

(٢)

كنت أم مستقلة عندي ٤ أطفال لما بدأت علاقتي بصديقة عمري تتوطد في شكلها الجديد. عمرنا ما كنا متخيلين إننا ممكن نحب بعض بجد و نبأى عايزين نعيش مع بعض. صاحبتي كانت متجوزة و جوزها الصراحة حبيته هو كمان. كل حاجة حصلت بسرعة. قعدنا و اتكلمنا و لقينا أننا كلنا بنكن لبعضنا مشاعر قوية و كلنا محتاجين بعض و بنميل لبعض جداً و عايزين علاقاتنا تكون علاقات جادة تجاه بعض.

بقالنا سنتين النهاردة عايشين في بيت واحد انا و صاحبتي و جوزها و ولادي و ولادهم. علاقتي مع صاحبتي زي علاقتها مع جوزها و احنا الأثنين بنحبه و علاقتنا معاه قوية زي علاقة الأزواج بالضبط.

ولادنا عايشين في نفس المنزل و مبسوطين جداً و أحلى ما في الموضوع إن القانون مش بيمنعنا من الحياة بالشكل دا.

http://www.patheos.com/…/polyamorous-she-loves-and-lives-w…/

(٣)

"آدم" رجل إنجليزي عنده ٣٦ سنة عايش بقاله ٥ سنين مع "بروك" و "چين". آدم و بروك عندهم طفل عمره سنتين من علاقة بيولوچية طبيعية و چين دلوقتي حامل من حمل نصف طبيعي.

آدم و بروك و چين عايشين بدون زواج و رأيهم أن العلاقة الثلاثية هي مستقبل العلاقات الناجحة و اللي بتوفر أمان للأطفال بحيث أن كل أم فيهم هاتبقى مطمئنة و هي سايبة ولادها مع الشريك الثالث في العلاقة بدلاً من انها تجيب حد غريب لو اضطرت تسيبهم و تخرج او تروح الشغل او ظروفها تضطرها تبعد عنهم فترة قصيرة.

"أكثر رجل حظاً في إنجلترا" هو العنوان إللي تناولته وسائل الإعلام اللي اتكلمت عن علاقة آدم برفيقاته الاتنين.

http://www.independent.co.uk/…/britains-luckiest-man-two-gi…

(٤)

تكساس - أمريكا - القبض على رجل متزوج من سيدتين تسكنان على بعد ٢٠ ميلاً من بعضهما.

‏http://www.nydailynews.com/…/texas-bigamy-bust-2-wives-20-m…

(٥)

القبض على رجل بتهمة تعدد الزوجات بعدما اكتشفت زوجته أنه متزوج من ٣ سيدات غيرها في ٣ ولايات مختلفة.

‏http://www.dailymail.co.uk/…/Woman-discovers-husband-marrie…

(٦)

"محامٍ تونسي يطلق حملة لإلغاء قانون منع تعدد الزوجات"

http://goo.gl/duh0UI

(٧)

"مؤتمر دولى يدعو لتقييد تعدد الزوجات فى مصر"

http://goo.gl/6Q3uHc

يا ترى مين فينا المجتمعات الحيوانية و مين المجتمعات إللي أصلها سوي ؟

وجود المشاكل عندنا لا يعني ضرورة تقليد المجتمعات الغربية المريضة. عالجوا المشاكل و ماتكلموناش عن المجتمعات التانية إللي أصلاً هي مجتمعات بتقبل العلاقات الحيوانية و ترفض العلاقات السوية إللي ربنا شرعها للإنسان.

#حضارات_قذرة
#الدياثة_المتحضرة

اقرء المزيد

إمام السلام

بتاريخ ٢١ مارس ٢٠١٧، حضر الإمام "محمد توحيدي" حفلة أقامها نادي الروتاري بمدينة "أديلايد" عاصمة ولاية جنوب أستراليا و ذكر فيها خلال كلمته :

١- أن بعض الكتب الإسلامية، مثل البخاري، يجب حظرها في أستراليا حيث أن "جميع الأعمال الإرهابية يتم تدريسها عبر هذا الكتاب".

٢- أيَّد توحيدي فكرة الحد من بناء المساجد، وطالب منظمة الاستخبارات الامنية الاسترالية بمراقبة القادة الدينيين لمعرفة من الذي يقوم بتمويلهم، ودعا السياسيين الاستراليين من النساء الى عدم ارتداء الحجاب عند زيارة نظرائهم بالدول الاسلامية.

٣- أكد توحيدي أن فلسطين أرض يهودية و قال "ألا يعرف الجميع هذا الأمر؟"

تخرَّج "محمد توحيدي" في العام ٢٠١٣ في حوزة قُم ثم حوزة كربلاء في ٢٠١٥ بإيران و هما أهم المؤسسات الدينية لدى الشيعة بعد حوزة النجف على الإطلاق. في ٢٠١٦ بدأ عمله كإماماً "للرابطة الإسلامية لجنوب أستراليا" و التي منها ينشر وساخاته إلى مسلمي أستراليا و يتم تصديره بالمؤسسات الخاصة الغربية بكونه ممثلاً للجانب المسالم للإسلام المعادي للإرهاب السُني.

و لازال البعض لا يرى فيهم خطراً على ديننا.

#دين_الشيعة

الرجل يسمي حسابه على الفيسبوك ب"إمام السلام - imamofpeace" 😊😊

https://www.facebook.com/imamofpeace

اقرء المزيد

سرطان الإعلام

أكثر الدعايا نجاحاً لنشر المفاهيم المرفوضة هي تلك التي يتم دسها أو عرضها في قالب ترفيهي.

يعني لما تشوف فيلم خفيف بيعرض قضية التأخر في الزواج و إزاي العلاقات أصبحت مادية جداً بعدين تلاقي في النص علاقة جنسية غير شرعية بين البطل و بين واحدة يعرفها بتروح الهند و بتتكلم عن الطاقة و المشاهدين في الآخر مابيركزوش في التفاصيل علشان الفيلم ظريف و القالب بتاعه بسيط.

يعني لما تشوف فيلم تاني كوميدي و فيه مثلاً علم قوس قزح (بتاع الشواذ جنسياً) ضمن تفاصيله و الناس مايركزوش فيه برضه بكونه جزء لا قيمة له في الفيلم ضمن أحداثه الكثيرة المضحكة.
.
.
.
البروباجاندا أو الإعلام عامةً بيركز في نشر القضايا المرفوضة من خلال عرضها بشكل عابر داخل التفاصيل بحيث أن العين ماتركزش عليها و ماتعرفش تعارض وحودها لكونها تفاصيل غير مركزية. و مرة في مرة بتكبر التفاصيل دي و تاخد وقت عرض أطول لكن بعد ما تكون عين المشاهد اتعودت عليها و ماباقاش عنده مشكلة كبيرة معاها. حتى الألفاظ إللي بيتم عرضها داخل السياق بتدخل من نفس الباب.

على فكرة في السينما الأمريكية ذاتها لو حد ركز في أفلام الخمسينات و الستينات هايلاقي فرق كبير جداً في المشاهد الغرامية و ملابس النساء و الألفاظ و القضايا المعروضة عن أفلام السبعينات و أنت طالع.

إللي بيحصل هو إن المد الثقافي المُغاير بيعمل حسابه على العقلية البسيطة للمشاهد إللي رايح يتسلى مش رايح يعمل دراسة ولا ماچيستير على الفيلم و علشان كدا المؤسسات إللي بتقيِّم الأفلام في أمريكا (و في مصر بدأت تظهر مؤسسات شبيهة) بتعمل كل سنة تقييم بالأرقام للقضايا إللي بتهتم بعرضها و نشرها على الوعي الجمعي للمجتمع و في التقييم بيتم عرض الدقائق إللي عرضت القضايا دي داخل المادة الإعلامية و مدى وضوح العرض.

إحنا ماصحيناش الصبح لقينا الأفلام بتتكلم عن العلاقات الجنسية ولا بتعرض الألفاظ البذيئة ولا السلوكيات المنحرفة، لكن عرض المسائل دي بشكل بسيط في البداية و كأنها قضايا مجتمعية دفع المجتمع نحو الإعتياد عليها.

من النماذج إللي مضطر إني أذكرها لتوضيح الفكرة كان فيلم "سهر الليالي" سنة ٢٠٠٣ إللي عرض من ضمن القضايا قصة واحدة متزوجة و كانت مش راضية بعلاقتها الجنسية مع جوزها إللي بيسافر و يسيبها وحدها فترات كبيرة و اتعرفت على واحد في فندق و كانت هاتغلط معاه.

نموذج تاني كان فيلم "حين ميسرة" في ٢٠٠٧ إللي لأول مرة عرض علاقة جنسية أنثوية شاذة و فيلم "عمارة يعقوبيان" في ٢٠٠٦ إللي عرض علاقة جنسية شاذة بين اتنين ذكور.

و نموذج فيلم "فيلم ثقافي" في ٢٠٠٠ إللي كان في قالب كوميدي بيحكي قصة مجموعة من الشباب طول الفيلم هدفهم أنهم يتفرجوا على فيلم بورنو.

مش بانكر أن كل قضية من دول في ذاتها لها وجود داخل المجتمع و لكن مش كل القضايا دي وجودها متساوي مع بعضها. المأساة الأكبر أن الأفلام دي بتعرض القضايا من غير حلول لمجرد كسر حاجز الرفض عند الجمهور و السبب عندها إنها بتعرض قضايا مجتمعية. فهل كل قضية مجتمعية أو حادث نعملله فيلم ؟

و خلينا نسأل سؤال من واقع التاريخ. هل عرض القضايا دي عبر الزمن في الأفلام قدم حلول و قضى عليها مجتمعياً وللا نشرها و عوِّد الناس عليها و خلاهم مايستغربوش و هما بيسمعوا عنها في الحقيقة ؟

هل الحل إننا نعوِّد المجتمع بكل شرائحه على القضايا دي وللا الحل إننا ننشيء مؤسسات مدنية تضغط على الهيئات الرسمية للقضاء على الظواهر المسيئة الغريبة في المجتمع زي ما بنشوف النهاردة المؤسسات النسوية إللي بتحارب علشان يكون للمرأة تواجد أكبر في مؤسسات الحُكم و مؤسسات الدولة و البرلمان و يكون في قوانين بتحميها زي قوانين منع التحرش و غيرها ؟

لية مش شاطرين أوي كدا غير في القضايا النسوية و مش بنشوفكم في القضايا السلوكية إللي المجتمع بينهار بسببها كل يوم عن التاني ؟ وللا هي مقصودة ؟

وللا منهجكم أن البذاءة حرية شخصية و حق لكل فرد ؟

آخر نموذج : مشاهد الشخصية الشاذة في فيلم والت ديزني الأخير "الجميلة و الوحش" و إللي جميع الدول العربية زي الإمارات و الكويت و قطر و الأردن منعت عرضه و إللي الشركة اعترضت على حذف أجزاء منه حسب طلب هيئة الرقابة الماليزية بيتعرض النهاردة في مصر و الناس بتروحه لأنه فيلم أطفال و الأطفال مش هايركزوا و ماتكبروش الموضوع كدا أوي. والت ديزني رفضت قص ٤ دقائق و نصف من فيلم مدته اكثر من ساعة و نصف لأنها قضية عندها و مبدأ و إحنا بنودي ولادنا الفيلم و بنخرج مبسوطين لأننا فقدنا كل القضايا و أصبحنا بلا مبدأ.

الإعلام سرطان .... إحذروه أو إنتظروا نتيجته بعد حين.

اقرء المزيد

الحكمة من أي تشريع

الحكمة من أي تشريع إلهي هي :
١-إقامة العدل
٢- رفع الظلم.
٣- إختبار إيمان العبد.

لو نحينا الأخيرة جانباً، مؤقتاً، هانقول أن أي تشريع تم من خلاله إقامة ظلم أو حرمان من العدل، بيبقى المشكلة في حاجة من اتنين:

١- إما في شخص إللي استخدم التشريع (ظالم أو جاهل).
٢- أو في الأدلة إللي تم على أساسها إختيار التشريع.

لكن دا لا يسمح للمظلوم أبداً أنه يشكك في التشريع نفسه أو في الحكمة منه و لا يسمح له أن يبحث عن مصدر مختلف لإقامة العدل. لأنه لن يجد.

و لأن العدل لا يمكن أن يُقام بظلم، فالأسلوب الإنتقامي للحصول على الحق بعد الوقوع في الظلم هو في حد ذاته ظلم و ليس عدل. يعني مش علشان الفرد إتظلم يبقى يسعى للحصول على حقه بالظلم. لأننا وقتها هاندخل في دائرة مغلقة من الظلم و الظلم الآخر.

طيب بفرض أن شخص اتظلم و مفيش أي طريقة عادلة للحصول على حقه. يعمل إية ؟

هنا بأة تيجي النقطة إللي كل الناس بتعترض عليها.

مفيش أي وسيلة عادلة لا تخالف الشرع تسمح لأي فرد أنه يحصل على حقه خارج إطار الحلال و الحرام. يعني مفيش عند المظلوم بعد إستنفاذ كل الطرق الشرعية أنه يحصل على حقه سوى أنه يلجأ لله إللي هو مفروض بيلجأله أصلاً أثناء سعيه. و طبعاً لأننا أصبحنا ماديين أكثر حتى من الحضارات المادية ذاتها، فأصبحنا لا نؤمن بأننا من الممكن أن نموت مظلومين، و بقينا دايماً بنتهم اللجوء للدعاء كحل بأنه نوع من أنواع الخنوع و الضعف كأن مثلاً التوفيق إللي بيحالفنا و إحنا بنسعى للحصول على حقنا مش نعمة من عند ربنا إللي بندعيله.

رسول الله نفسه كان له حديث بيقول فيه أنه سمع خصمين بباب حجرته فخرج إليهم فقال "إنما أنا بشر وإنه يأتيني الخصم فلعل بعضكم أن يكون أبلغ من بعض فأحسب أنه صادق فأقضي له بذلك فمن قضيت له بحق مسلم فإنما هي قطعة من النار فليأخذها أو ليتركها."

بمعنى أنه هو نفسه مارفعش إحتمال إنه ممكن يتسبب في ظلم بدون علم بسبب أن أحد المتخاصمين كذب أو استخدم أسلوب ملتوي ليظهر أن الحق معه. و برغم دا، نبهنا رسول الله أن إللي بيعمل كدا و بياخد حق مش بتاعه بالطريقة دي كأنه بياخد قطعة من النار و ماقالش للمظلوم أنه لازم ياخد حقه بالدراع.

أما في حالة وقوع ظلم بسبب سوء إستخدام نص شرعي مثلاً فدا من البلاوي إللي أبتلينا بيها. يعني مثلاً تلاقي واحد كل ما يحصل بينه و بين مراته خلاف يروح باطحها وللا خابطها بوكس موقَّع بيه صف سنانها و يقوللك الدين قال كدا و دا كلام رسول الله. و بعد كدا يستغرب أن مراته كرهت الدين كله بسبب الجهل دا.

و ممكن تلاقي زي اللي بيحصل النهاردة و من مئات السنين أن كل بنات العيلة و الجيران لازم يتختنوا علشان الدين قال كدا و من غير إستشارة طبية. و بيزعل قوي لما بنته تكبر و تكرهه و تكره دينه و تسيبله البيت و الدنيا.

مش معنى دا برضة أن اللي بترفض الشرع علشان جوزها ضربها وللا أبوها ختنها وللا الولد إللي أبوه كان بيحرقه بمعلقة سخنة علشان مابيصليش يبقوا كل دول صح. نظام الإنتقام دا جهل زيه زي إللي استخدم الشرع بدون علم.

الحل هو إننا نفهم و نعرف و نسأل. لازم يبقى لينا حد بنستشيره أو نكون إحنا من إللي بنعرف نفرَّق بين الحق و الباطل و بين صحة الدليل و الدليل الغلط اللي في غير محله. لكن إننا نرفض تماماً و نكره الدين خالص و أهله دا بالضبط زي واحد عيان راح لدكتور مضيَّع كتبله دواء غلط بوَّظ الدنيا فقال خلاص أنا مش هاروح لدكاترة خالص.

اقرء المزيد

جنود الشذوذ

البوست دا مهم لكل أفراد الأسرة، فمعلش أصبروا معانا شوية و كمِّلوا للآخر لأن الموضوع بالتاكيد هايمسَّكم أو هايمس حد يهمكم. طلب صغير كمان قبل ما نبدأ، يا ريت لو شايفين الموضوع يستاهل أن غيركم يعرفه، ماتبخلوش بالنشر علشان تعُم الفايدة و يزيد الوعيّ.

القصة بتبدأ من زمان. من أكثر من ٣٠ سنة و خاصةً في سنة ١٩٨٥. في السنة دي تم تأسيس جمعية مدنية في نيويورك تحت أسم "تحالف الشواذ ضد الإفتراء - ج.ل.ل.ا.د" أو:
"Gay & Lesbian Alliance Against Defamation - GLAAD".

الجمعية دي، أو المؤسسة المدنية، مجال عملها هو "رصد وسائل الإعلام" بغرض "تضخيم" صوت مجتمع الشواذ لتمكينهم من مشاركة قصصهم مع الناس و نشرها. كمان المؤسسة دي بتعمل على توجيه المساءلة إلى وسائل الاعلام المختلفة بشأن الكلمات و الصور التي بتقدمها و تستخدمها عندما تتعرض إلى قضايا الشواذ و تعمل أيضاً على مساعدة المنظمات الشعبية المهتمة بنفس القضية للتواصل فيما بينها بشكل فعال.

كانت بداية فكرة تأسيسها هو لتنظيم تظاهرات ضد جريدة النويويورك بوست بسبب الأسلوب إللي كانت بتستخدمه الجريدة لمَّا بتتحدث في شأن قضية الإصابة بمرض الإيدز و علاقته بالممارسات الشاذة جنسياً.

للمؤسسة شعار و هو : "تعزيز التفاهم وزيادة القبول، وتعزيز المساواة."
"To promote understanding, increase acceptance, and advance equality."

المهم خلال عامين من الضغط المستمر و إنتشار نشاط المؤسسة و تواصلها مع رجال و نساء في المجال الفني و الصحفي، استطاعت "جلااد" إنها ترغم جريدة النيويورك تايمز على تغيير سياستها التحريرية و تعديل الألفاظ إللي بتستخدمها في مقالاتها و مانشيتاتها و الأخبار إللي بتنشرها بشأن قضايا الشواذ. نجحت بالفعل المؤسسة في تغيير ألفاظ زي "شاذ" إلى "مثلي" و دا إنجاز كبير جداً في الطريق لتغيير المفاهيم عند القاريء و المشاهد و الجمهور بشكل عام. و مع الوقت حدث تغيير في وكالات صحفية أخرى زي "الأسوشييتد برس" و غيرها. و تم إفتتاح مقر آخر للمؤسسة في لوس آنجلوس و إللي من خلاله بدأ العمل مع صُناع السينما و الترفيه لتغيير الصورة إللي كان من خلالها بيتم تناول قضايا الشواذ جنسياً في الأفلام و الإنتاج الفني بشكل عام.

مجلة "إنترتينمنت ويكلي" المتخصصة في تغطية شؤون السينما و التليفزيون و الموسيقى و المسرح و الكتب و مصادر الثقافة الشعبية و إللي بتعتبر من أقوى المجلات المتخصصة في المجال دا كانت صنفت "جلااد" في سنة ١٩٩٢ بكونها إحدى أقوى الكيانات المؤثرة في صناعة الترفيه في هوليوود. أمَّا جريدة "لوس آنجلوس تايمز" فكانت وصفتها بأنها واحدة من أنجح المؤسسات الضاغطة على وسائل الإعلام.

و عبر السنين إنتشرت المؤسسة في ولايات تانية غير نيويورك و لوس آنجلوس و في العام ١٩٨٩ تم تأسيس مسابقة سنوية تحت عنوان "جوائز جلاد الإعلامية" من أجل تقدير و تكريم شخصيات و مؤسسات مختلفة تعمل على تمثيل دور الشواذ جنسياً بصورة "مُشرفة". أكثر من ٧٠٠ شخصية و مؤسسة تم تكريمها وتسليمها جوائز من خلال تلك المؤسسة لمجهوداتها في تغيير الوعي الجمعي في شأن الشواذ جنسياً من خلال الضغط الإعلامي عبر وسائل الترفيه المختلفة. المسابقة يتم توزيعها سنوياً عبر ٣ إحتفاليات في نيويورك و لوس آنجلوس و شيكاغو.

https://en.wikipedia.org/wiki/GLAAD_Media_Award

تولى رئاسة المؤسسة عدة شخصيات و في العام ٢٠١٣ أصبحت "چينيفر بويلان" أول متحولة جنسياً تقوم بتولي رئاستها. في نفس العام أعلنت المؤسسة أنها ستظل تحمل أسم "جلااد" و لكنه سيكون شعاراً يحمل هم حقوق الشواذ و "المتحولين جنسياً" و "ثنائي الجنس".

مؤسسة "جلااد" لديها برامج ضاغطة أخرى غير المسابقة السنوية. فمثلاً في العام ٢٠٠٢، بدأت المؤسسة حملة للضغط على وكالات الأنباء لنشر إعلانات زواج الشواذ من نفس الجنس مساواةً بجريدة نيويورك تايمز إللي قررت ضم إعلانات زواج الشواذ لصفحاتها لأول مرة في التاريخ.

على فكرة دا كان قبل تقنين زواج الشواذ إللي أصبح مسموح بيه قانوناً منذ العام ٢٠١٤.

أمَّا آخر البرامج إللي بدأت تستخدمها "جلااد" من سنة ٢٠١٣ فهي إصدار مؤشر سنوي تحت عنوان "مؤشر مسؤولية الأستوديوهات" إللي بيقوم بتقييم إنتاج أكبر ٧ شركات سينمائية و مجهوداتها في دعم قضايا الشواذ. من الإنتقادات إللي بيتم توجيهها للمؤشر دا هو إنه في ٢٠١٥ كانت نسبة الأفلام إللي انتجتها الشركات دي و إللي تعرضت لقضايا الشواذ هي ١٧.٥٪‏ برغم أن نسبة المواطنين الأمريكان إللي بيعلنوا عن كونهم شواذ جنسياً لا يتعدى ال٣،٨٪‏ وفقاً لإستطلاعات الرأي إللي قامت بيها مؤسسة "جالوب" و هو ما يعني أن شركات الإنتاج السينمائي أنتجت في ٢٠١٥ أفلام تحدثت عن الشواذ جنسياً بنسبة ٤٦٠٪‏ عما تستحق تلك الفئة.

http://dailycaller.com/…/gay-lobby-demands-more-gay-movie-…/

http://www.glaad.org/files/2016_SRI.pdf

في مايو ٢٠١٦، أعلنت "سارة كيت إليس" رئيس مؤسسة "جلااد" فور إصدار تقرير المؤشر للعام ٢٠١٥ أن إنتاج الشركات الكُبرى لازال غير مُرضي بالنسبة لها و قالت إن الشركات دي لازم تبدأ تقدم قضايا الشواذ في سياقات مختلفة و جديدة و أكثر جرأة و أكدت على ضرورة تمثيل أصحاب البشرة السوداء من الشواذ جنسياً في الفترة القادمة. واخدين بالكم ؟ أصحاب البشرة السمراء من الشواذ. الكلام دا في مايو ٢٠١٦.

فكروني هو الفيلم إللي فاز بجائزة أوسكار للعام ٢٠١٦ كأحسن فيلم كان قصته إية ؟

https://www.facebook.com/engwaelmans/posts/10154809149110659

سارة في نفس كلمتها قالت إنها بتأمل أن شركة ديزني تحط بطل شاذ في الجزء الثامن من سلسة "حرب النجوم - Star Wars" إللي هايتم عرضه في ديسمبر ٢٠١٧. و إن غداً لناظره قريب.

معلومة أخيرة؛ سارة متزوجة من صديقتها "كريستين هندرسون". زواجهم كان أول زواج يتم في الكنيسة الأسقفية بنيويورك بعد تقنين زواج الشواذ في ولاية نيويورك في ٢٠١١ قبل تقنينه فدرالياً. قبل الزواج دا، كانوا الاتنين عايشين مع بعض و في ٢٠٠٨ لقحوا نفسهم بحيوانات منوية ثم تمت ولادتهم في نفس اليوم. سارة جابت بنت و كريستين جابت ولد. طفلين من أسرة مكونة من أمين و طفلين. حاجة تقرف.

في ٢٠١٣، قامت شركة "بازفيد" بوضع كريستين على قائمة أقوى الشخصيات الشاذة جنسياً لهذا العام.

حاجة تانية مهمة بالنسبة لسارة كيت. في ٢٠١٤، قامت من خلال "جلااد" بتنظيم حملة للتظاهر ضد منع منظمي "موكب عيد القديس باتريك"، إللي بيتم كل سنة في شوارع نيويورك، من مشاركة الشواذ جنسياً في المسيرة الخاصة بالموكب و هو الموقف إللي دعمهم فيه عمدة مدينة نيويورك من خلال منعه إقامة الإحتفالية لمدة سنتين بسبب عدم مشاركة الشواذ جنسياً و إللي كان نتيجته أن تم السماح لهم بالمشاركة في ٢٠١٦ بعد الضغط على منظمي الإحتفالية و ضغط عمدة نيويورك. العمدة "دو بلاسيو" إللي دعمته "ليندا صرصور" في الإنتخابات و إللي علاقتها بيه قوية جداً زي ما شرحنا قبل كدا :

https://www.facebook.com/engwaelmans/posts/10154729180185659

المشكلة بأة أن الأفلام إللي بتعرض الشواذ جنسياً ماباقتش فقط الأفلام الخاصة بالكبار. شركة ديزني إللي هاتعرض فيلم "الجميلة و الوحش - Beauty & The Beast" خلال أيام حطت شخصية شاذة جنسياً لأول مرة بشكل واضح.

https://www.facebook.com/engwaelmans/posts/10154814863870659

كذلك فيلم "البحث عن دوري" كان فيه لقطة لمدة ٥ ثواني لزوجين إناث و طفلهم معاهم إشارة إلى أسرة من أمين و طفل. و من أيام فقط على قناة "ديزني إكس دي" في إحدى مسلسلات الأطفال، تم عرض لأول مرة لقطات لقُبُلات خاصة بأطفال من نفس الجنس مما يُنذر بأن الضغط على شركات إنتاج الأفلام و الكارتون قد أتى بثماره عبر السنين و أننا كلنا، أطفال و كبار، مهددون بمشاهدة لقطات مقززة لممارسات شاذة لم تعد تُصنف بكونها غير طبيعية و تُعرض على شاشات السينما و التليفزيون بلا تصنيف و يشاهدها الجميع، و منهم أطفالنا، بدون أي توجيه.

https://www.lifesitenews.com/…/disney-shows-same-sex-kissin…

http://www.hollywoodreporter.com/…/finding-dory-frozen-lgbt…

هافكركم بحاجة أخيرة، في شهر مايو إللي فات كنا اتكلمنا هنا عن مؤسسة "إختيار" إللي من ضمن إهتماماتها هو الدفاع عن قضايا الشواذ جنسياً و إللي عملت حملة لجمع فلوس لتأسيس مكتبة خاصة بالمؤلفات إللي بتعرض قضايا الشواذ و مصطلحاتهم.

https://www.facebook.com/engwaelmans/posts/10153991281585659

هل من الصعب إننا نلاقي "إختيار" دي هي صورة مشابهة ل"جلااد" الأمريكية و ينضم لها حقوقيين و يضغطوا على مؤسسات الدولة لإلغاء الرقابة على الأفلام و عمل نظام تصنيف لغرض عرض الأفلام الممنوعة و تضغط على شركات الإنتاج و تمشي في نفس المسار طالما إنها تبنت القضايا القذرة دي ؟

ماتنسوش إننا من ١٠ سنين فقط ماكناش نعرف مصطلح "المثلية" دا و كنا مابنسميش الفئات دي غير شواذ جنسياً.

رجاء .... ماتستهونوش بالمصطلحات. تغيير الأفكار بيبدأ من عندها و مع الوقت بتلاقي نفسك مش قادر تقف في وجه التيار.

دول شواذ و سيظلوا شواذ حتى و إن قال العالم كله عليهم أنهم طبيعيين و أطفالنا و أخواتنا لازم نبقى حريصين جداً مع إللي بيتفرجوا عليه. الدنيا بقت بزرميط يا جماعة.

اقرء المزيد

نفس المخطط و العدو مختلف

في الجزء دا من مقدمة كتاب "من دفع للزمَّار - الحرب الباردة الثقافية" هانستبدل مصطلح (الشيوعية) ب(الإسلامية) علشان نفهم طبيعة الصراع الحالي و أدوات الصراع.

"إن ما فعلته المخابرات الأمريكية في عالم الفن و الأدب لإعادة البنية الثقافية في العالم بما يؤدي إلي كراهية (الشيوعية) و السعي وراء النموذج الأمريكي يؤكد سرعة الثقافة في التأثير علي الوعي و علي الوجدان من خلال الرواية الأدبية و الدراما و السينما و التليفزيون و المعارض الفنية و الحفلات الموسيقية، بحيث يتم تدريجياً التخلي عن نمط قديم و اكتساب نمط آخر، خاصةً إذا كان هذا الآخر يركز علي الحريات المطلقة دون ضوابط مقابل القيود القائمة في الشرق (الشيوعي).

و هكذا عندما سقط حكم الأحزاب (الشيوعية) في أوروبا الشرقية و كذا في الاتحاد السوفيتي لم يجد هذا السقوط مقاومة مع الجماهير التي كانت تتشرب علي مدي أكثر من أربعين عاماً و بالتدريج ثقافة معادية (للشيوعية) تداعب غرائز التملك و التفرد و التفوق و الأنانية فأثبت هذا في النهاية أن تغيير نمط في السلوك و الفكر أقوي تأثيراً من تغيير نمط الإنتاج الذي تعول عليه الماركسية".

هذا المشروع ذكرت مؤسسة راند الأمريكية للأبحاث في تقرير لها بالعام ٢٠١٣ أن الولايات المتحدة الأمريكية أعادت إنتاجه و إستخدام نفس أدواته لكن في حربها ضد المفاهيم الإسلامية بالشرق الأوسط.

دي ناس مش بتداري حربها و مش بتخفي أدواتها. لكن إحنا إللي مش بنقرأ و مش بنتعلم و مش بنفهم الواقع كويس.

اقرء المزيد

حقيقة الصراع

علشان إللي مش قادر يستوعب حقيقة الصراع الفكري مع المهرطقين إللي زي فاطمة ناعوت و بيقول أن أمثالها لا وزن لهم لازم يعي جيداً أن ناعوت دي زيها زيّ إسلام البحيري زيّ سعد الدين هلالي زيّ نجم التنمية البشرية، أحمد عمارة، و زيّ كل إللي بيعالجوا بالشاكرا و اليوجا و بيدَّعوا صدق قانون الجذب و العلاج بالطاقة الحيوية و بيمارسوا الهرطقة.

كلهم بيقولوا نفس إللي بتقوله ناعوت في كتابها ان الله واحد عند كل البشر و أن كل فرد له الحق في أن يتعبد له كيفما يرى و أن من حق الجميع أنهم يختاروا وسيلة التواصل مع ربنا إللي شايفينها علي مزاجهم كأن الأنبياء كانوا بيهزروا و كأن الله سبحانه و تعالي لما إبتعثهم كان، أستغفر الله العظيم، بيسلي وقتنا.

كلهم بيقولوا كدا بس بطرق مختلفة.

سعد الهلالي قال أن كل دور التعبد هي بيوت الله سواء جامع وللا كنيسة وللا حتى معبد. و الكلام دا سمعته بوداني في الراديو و كتبته في بوست

https://www.facebook.com/engwaelmans/posts/10154588291225659

و أحمد عمارة بتاع التنمية البشرية و العلاج بالهرطقة كان أفتي للنساء بالصيام حتي و إن نزلت عليهم الدورة الشهرية و لما أنكرت عليه في البوست دا : https://www.facebook.com/engwaelmans/posts/10154056139465659جالي علي الخاص و حاول يكلمني و يقول إني أنا إللي مش فاهم و لما سألته عن إذا كانوا الهندوس عُباد البقر كفار وللا لا قال أنه مايقدرش يقول عليا أنا شخصياً إني مسلم. و دي أول مرة أنشر الحوار دا إللي كان علي الخاص من ٦/٢٠ إللي فات لكن واضح أن جه وقته.

#إنحرافات_أحمد_عمارة

إسقاط حُجة و كلام ناعوت هو إسقاط لعشرات المهرطقين غيرها.

لازم نبقي مدركين كويس نوع الصراع إللي بيننا و شكله و أن دول شوية أفاقين عايزين يضحكوا علي الناس من خلال شيطنة غيرهم.

أخونا الحسن لما زنق فاطمة ناعوت في الندوة بتاعت كتابها إتهمته في شخصه و ماردتش علي كلامه: https://www.facebook.com/H.bokhary/posts/657512584428365 و أحمد عمارة عمل قبلها نفس الحاجة في بداية حوارنا علي الخاص لما بدأ بإتهامي بقصور الفهم و قصر الوعي علي "الموروث".

كلهم شبه بعض و كلهم نفس الشكل و المنظر.

كلهم بيحاولوا يساندوا قضية توحيد الأديان و العقائد زي ما في منظمات دولية بتشتغل في نفس الموضوع و ليها شغل هنا في مصر كنا اتكلمنا عنه قبل كدا: https://www.facebook.com/engwaelmans/posts/10153701232815659

لازم نفهم طبيعة الصراع كويس لأن دي قضية إيمان و كفر مش مجرد قضية خلاف فكري بسيط.

اقرء المزيد

مونولوجات الحجاب

"زينات رحمن" كاتبة لإحدي العروض المسرحية التي تحمل عنوان "مونولوجات الحجاب - The Hijabi Monologues" و هي إحدي ثلاثة أسسوا تلك العروض بعدما أنهوا دراستهم بجامعة شيكاغو بالولايات المتحدة الأمريكية.

"مونولوجات الحجاب" بدأ أولى عروضه في صيف ٢٠٠٦ و كانت كاتبة عروضه هي "سحر إشتياق الله - Sahar Ishtiaque Ullah" التي كانت تشارك فيه مع زميلتها "لينا العريان".

تم تأسيس عروض "مونولوجات الحجاب" علي غرار عرض مسرحي شهير جداً بدأ بالعام ١٩٩٦ و كان يُسمى ب"مونولوجات المِهبل - Vagina Monologues" الذي كان عبارة عن عدة مونولوجات يقمن بها عدد من الفتيات علي خشبة المسرح ليطرحن من خلالها قصص و حكايات مستخدمين فن "الحكي" لتناول جانب من جوانب التجارب الأنثوية و من أجل لمس عدة قضايا مثل الجنس و الحب و الإغتصاب و الحيض و الختان و الإستمناء و النشوة و التي كان الموضوع المشترك فيها و الدائم هو "تمكين المرأة". ظلت تلك العروض تقدم حتي كان انتشارها بشكل أكثر توسعاً في العام ٢٠٠١ ثم كان أول عرض للمتحولات جنسياً ضمن عروضها في العام ٢٠٠٥.

جدير بالذكر أن "إيڤ إنسلر" كاتبة عروض "مونولوجات المهبل" قامت في العام ٢٠٠٣ بكتابة مونولوج بعنوان "تحت البرقع" حول محنة النساء تحت حكم طالبان بأفغانستان.

https://en.wikipedia.org/wiki/The_Vagina_Monologues

في العام ٢٠٠٨ حصلت "سحر إشتياق الله" علي منحة دراسية عبر جامعة هارڤارد للدراسة لمدة عامان (٢٠٠٨ - ٢٠٠٩) بالجامعة الأمريكية بالقاهرة ببرنامج (CASA I) بعد حصولها علي ماچيستير دراسات شرق أوسطية من جامعة شيكاغو. كانت دراستها بالقاهرة حول كيف تقوم القضايا العرقية و الچندرية بتشكيل الأقليات الأمريكية خارج الولايات المتحدة الأمريكية. كذلك قضت زميلتها "لينا العريان" نفس الفترة بالقاهرة من أجل الدراسة.

https://casa.fas.harvard.edu/…/c…/files/cairo_08-09_bios.pdf

في العام ٢٠٠٨، قامت "زينات رحمان" بزيارة إلي القاهرة و أجرت حواراً مع إحدي عضوات فريق "بُصِّي - BUSSY" لفن الحكي الذي بدأ في نفس العام داخل أسوار الجامعة الأمريكية بالقاهرة و علي مسرحها و الذي كان يدور في نفس السياق حول القضايا النسوية متخذاً من "مونولوجات المهبل" ثم "مونولوجات الحجاب" نموذجاً يُقتدي به.

http://www.muslimahmediawatch.org/…/…/the-hijabi-monologues/

جدير بالعلم أن برنامج الزمالة الذي التحقت به عضوات الفريق الأمريكي هو برنامجاً خاصاً ب"مركز الدراسات العربية في الخارج - Center for Arabic Study Abroad CASA" بالجامعة الأمريكية و الذي تم تأسيسه في العام ١٩٦٧ و إلتحق به علي مدار السنوات الماضية عدد من الشخصيات الذي أصبح لها مكانة فيما بعد مثل السيد "توماس فريدمان" الكاتب الأمريكي المشهور و السيد "چون برينان" المدير السابق لوكالة الإستخبارات الأمريكية و الذي أنتهت مدة تولية إدارة الجهاز يوم تولي ترامب رئاسة الولايات المتحدة الأمريكية.

http://www.aucegypt.edu/academics/CASA/notable-alumni

أمَّا عن "زينات رحمان"، الأب الروحي للعمل المسرحي النسوي، فقد عملت كمستشار خاص لوزير الخارجية الأمريكي الأسبق، چون كيري، و من قبله هيلاري كلينتون منذ العام ٢٠١٢ حتي نهاية مدة توليه المنصب بنهاية حكم أوباما في ٢٠ من هذا الشهر و كان مجال عملها في قضايا الشباب العالمية الذي أدارت المكتب المختص به داخل وزارة الخارجية الأمريكية خلال تلك الفترة.

https://www.state.gov/r/pa/ei/biog/194928.htm

كذلك تولت زينات إدارة مركز الشراكات القائمة علي الإيمان و الجُوار - Center for Faith Based and Neighborhood Partnerships". و من خلال هذا الدور، قادت الجهود الخارجية للشراكة مع مختلف المنظمات الدينية و المجتمعية لحشد الدعم من أجل برامج برنامج الوكالة الأمريكية للتنمية USAID.

بجانب منصبها الرسمي، تولت زينات منصب مدير السياسات بإحدي مؤسسات المجتمع المدني التي تعمل في مجال الحوار بين الأديان و التي تحمل اسم "Interfaith Youth Core" و هو ما أهلها للعمل بشكل وثيق مع البيت الأبيض و مختلف الوكالات الإتحادية من أجل تعزيز البرامج المتعلقة بالشباب و الهوية الدينية و المشاركة بين الأديان و العقائد.

شاركت أيضاً زينات كعضو بمجلس العلاقات الخارجية و كعضو في الشبكة العابرة للأطلسي الخاصة بالمجلس الثقافي البريطاني حتي العام ٢٠٢٠ و حصلت علي زمالة ترومان للأمن القومي.

كل ذلك و أكثر منه هو ما كانت عليه قائدة إحدى الفرق المسرحية التي كانت تناقش قضايا المرأة تحت شعار "الحجاب" بكونها مسلمة الأصل لتصبح نموذجاً يُحتذي به لدى بنات الدول الإسلامية من خلال زياراتها و صلاتها بذويها عبر مؤسسات المجتمع المدني الفنية و الثقافية و عبر الجامعات الأمريكية بدول العالم الثالث و من خلال تحفيزها للفتيات المسلمات لكى يكونن خلفاً لها بساحات القتال النسوي عبر العروض المسرحية و من خلال فن الحكي الذي وصفه كبار الكتاب بأنه من أكثر المجالات تأثيراً في الحراك السياسي و الإجتماعي الشعبي.

https://www.britishcouncil.org/…/hijabi_monologues_europe_f…

#صناعة_النماذج
#إسلام_السوق
#مسلمون_عصريون
#الدولة_الفنكوش

اقرء المزيد

أوباما الكيوت

في ٢٠٠٩، حصل الرئيس الأمريكي باراك أوباما علي جائزة نوبل للسلام نظير مجهوداته في عملية الحد من إنتشار الأسلحة النووية و نشر تقوية الديمقراطية العالمية بين الناس.

و خلينا نبص لبعض الأرقام الظريفة كدا إللي تورينا أد إية الرئيس الكيوت الحبوب أوباما كان راجل سلام فعلاً.

أوباما هو أكثر رؤساء الولايات المتحدة في التاريخ الذي تمت خلال فترة حكمه للبلاد عمليات بيع للأسلحة.

فخلال الفترة من ٢٠٠٨ ل٢٠١٥، أمريكا باعت أسلحة بأكثر من ٢٠٠ مليار دولار معظمها لمنطقة الشرق الأوسط في شكل صواريخ أرض-جو و دبابات و طيارات بسرعة الصوت.

الدولة الأعلي شراءاً للأسلحة الأمريكية كانت بالطبع السعودية بما قيمته حوالي ٩٤ مليار دولار.

الولايات المتحدة ارسلت قوات عمليات خاصة لمساعدة التحالف العربي في الحرب الدائرة ضد الحوثيين في اليمن إللي اتسببت في مقتل أكثر من ١٠ الاف و نزوح أكثر من ٢ مليون و ما يقرب من نصف مليون طفل علي شفا الموت جوعاً.

مؤخراً أشار تقرير الكونجرس الذي حمل أسم "عمليات نقل الأسلحة التقليدية إلي الدول النامية ٢٠٠٨ - ٢٠١٥" إلي أن مصر كانت صاحبة النصيب الأكبر من تلك الأسلحة خلال العام الماضي بما قيمته ٥,٣ مليار دولار.

و برغم أن المبيعات العالمية لسوق الأسلحة في العام ٢٠١٥ كانت ٨٠ مليار دولار و اللي كانت أقل من ٢٠١٤ ب٩ مليار، إلا ان أمريكا كانت متصدرة القائمة بقيمة ٤٠ مليار لوحدها.

إللي حصل خلال فترة إدارة أوباما هو أن الحكومة كلها إنغمست في لعب دور مندوبي مبيعات الأسلحة الأمريكية ... مش فقط وزارة الدفاع.

قطر وحدها عملت إتفاقيات مع إدارة أوباما بقيمة ١٧ مليار دولار السنة إللي فاتت.

لمراجعة الأرقام، إطلع علي التقرير الخاص بمركز خدمة أبحاث الكونجرس "Congressional Research Service" : https://fas.org/sgp/crs/weapons/R44716.pdf

#أوباما_الكيوت
#الدولة_الفنكوش

اقرء المزيد

بين الإنصاف و الإنبهار

البوست دا لوضع فاصل بين الإنصاف و الإنبهار :

{قال المستورد القرشي عند عمرو بن العاص : سمعت رسول الله صلى الله عليه وسلم يقول: "تقوم الساعة والروم أكثر الناس"، فقال له عمرو: "أبصر ما تقول"، فقال المستورد: "أقول ما سمعت من رسول الله صلى الله عليه وسلم"، فقال عمرو: "لئن قلت ذلك إن فيهم لخصالا أربعا؛ إنهم لأحلم الناس عند فتنة، وأسرعهم إفاقة بعد مصيبة، وأوشكهم كرة بعد فرة، وخيرهم لمسكين ويتيم وضعيف، وخامسة حسنة جميلة: أمنعهم من ظلم الملوك"}.

الحديث في صحيح مسلم.

عمرو بن العاص الصحابي الجليل بيشهد للروم و هم اهل الغرب من الأوروبيين أن فيهم الصفات الخمسة دي :

- أحلم (الأكثر صبراً) الناس عند فتنة.
- أسرع الناس إفاقة بعد مصيبة.
- أوشك الناس كرة بعد فرة. (يعني أسرع الناس للهجوم بعد الهروب - بيجمعوا شتتاتهم بسرعة)
- أخير الناس لمسكين ويتيم وضعيف.
- أمنع الناس من ظلم الملوك.

يعني لو قالوا "لا إله إلَّا الله محمد رسول الله" بس !!

#استقيموا_يرحمكم_الله

اقرء المزيد

عواقب التفريط

كل اللي بيحصل حوالينا سببه إننا بنفرَّط في ديننا

بنفرَّط فيه لصالح الانسانية
بنفرَّط فيه لصالح الوطنية
بنفرَّط فيه لصالح القومية
بنفرَّط فيه لصالح القبلية

كل الإنتماءات أصبحت أولي عندنا من إنتماءنا لديننا و أصبح التهاون في الدين أسهل بكثير من التهاون في غيره

اصبح الانتحار و عدم الرضا و الاحساس باليأس و فقدان الهوية و الانتماء لأي فكرة و أي رأي كلها أمور طبيعية و عادية لمجرد ان نماذج القيادات المعاصرين سيئة

و كأننا مفروض منتظرين أنبياء إللي يقودونا مش بني آدميين بيغلطوا و يرجعوا في أخطائهم

بقينا بنلقي اللوم علي ربنا و نسأله فين عدالته و بننسي اننا نفسنا بعدنا عن احقيتنا في الحصول علي الحماية لما تركنا شرعه و القواعد اللي حطاهالنا

عمركم شفتوا واحد راكب عربية و سايب السواق يمشي عكس الطريق و ساكت و لما تحصل حادثة يلوم إللي سايق ؟ طيب هو كان فين ؟ لية ماطلبش منه يعدل سيره ؟ لية مانزلش و ركب مع غيره ؟ لية نسي أن الحادثة هاتضر كل إللي راكب و أن "ماليش دعوة مش انا اللي كنت سايق" عمرها ما هاتحميه ؟

طيب عمركم شفتوا واحد بيتخطي اللوائح و القوانين و لمَّا يتم عقابه، يلوم واضع القانون أو التشريع أنه ماحماهوش ؟

اياك تفكر ان الجيل اللي قبلك هو السبب و تلعن فيه، لأن اللي جاي هايلعنك انت مش هايلعن إللي رباك.

اللي احنا فيه دا زرعنا إحنا و دلوقتي بنحصده

بنحصد جهل و تفريط

علشان كدا لازم ...

لازم نتعلم الحلال و الحرام ...
لازم نتعلم الحق و الضلال ...
لازم نتعلم اية هي البدعة و اية هي السنة ...
لازم نتعلم اية اللي من الدين و اية اللي مش من الدين ...

و لازم نعلمه لغيرنا

إيوا إحنا محتاجين نفهم كويس أوي إزاي نفرق بين النصراني المسالم و "الصليبي" المحارب

و محتاجين نفهم كويس أوي إزاي نفرق بين اليهودي و "الصهيوني"

و محتاجين نفهم كويس أوي إزاي نفرق بين الشعب و "النظام"

و محتاجين نفهم كويس أوي إزاي نفرق بين الفرد و "الجماعات"

محتاجين نعرف كويس إن مش أي واحد ييجي يقول لنا أي كلام زي اسلام البحيري يبقي نصدقه و أننا لازم علي الأقل نتأكد من صحته قبل ما نبلعه.

محتاجين نفهم كويس جداً قبل ما نقرأ رواية لواحد زي ابراهيم عيسي من ٧٠٠ صفحة عن أهم حدث في تاريخنا، ان هو دا نفس الشخص إللي كل يوم بيهين الجيل إللي كتب عنه دا و بيقلل من قيمته، جيل الصحابة، في جرناله، "المقال"، أو في برامجه إللي كان بيقدمها زمان.

محتاجين نفهم كويس جداً أن المسلم و المسيحي شركاء في وطن واحد و عمرهم ما هايبقوا "اخوة"

محتاجين نفهم ان الخلاف في العقيدة مش معناه إننا هاندبح بعض و نقتل بعض. و نفهم إن عمل الخير فطرة في الإنسان بنشكر صاحبها مهما كان دينه و نكرمه و نديله حقه مع الإحتفاظ بالفرق بيننا و بينه لو مخالف لينا في العقيدة و في الدين.

محتاجين نفهم إزاي إن شريكنا في الوطن ممكن يبقي مخالف لينا في العقيدة و أن حقه علينا حماية ماله و دمه و برغم دا ماينفعش نتنازل له عن ثوابت ديننا من باب التعايش و حسن المعاملة.

محتاجين حاجات كثيرة أوي

بس أول حاجة؛ محتاجين نفهم إننا كلنا محتاجين نعرف أكثر و إننا كلنا مش فاهمين كل حاجة.

نرجع ورا خطوة بأة كدا و نحاسب نفسنا و نختار الطريق صح و ندعي ربنا يوفقنا و نختار الناس الصح علشان كفاية كدا خلط بين المفاهيم و كفاية كدا إهانة لدين رب العالمين

اقرء المزيد