(١)
أمريكية تحكي عن زوجها "شون" إللي اتجوزته في سن ٢٣ سنة و عاشوا مع بعض ١٢ سنة لغاية ما في يوم قابلت "كريس" و قضت معاه عطلة أسبوعية رجعت بعدها تطلب الإنفصال من شون لأنها ماكانتش عارفة توازن بين حبها لجوزها و إحتفاظها بحبيبها الجديد. الست بتقول أنها فوجئت لما لقت زوجها، شون، متفهم المسألة و لما طلب منها تفضل معاه و تحتفظ في نفس الوقت بجبيبها الجديد عادي.
الست بتحكي أن كريس كان في الوقت دا بينفصل عن علاقة سابقة علشان يبدأ العلاقة الثلاثية الجديدة مع الهانم اللي احتفظت بيه مع علاقتها بجوزها شون.
المهم شون بدأ يتعرف على ستات تانيين غير زوجته. و لأنهم كانوا متفقين على بقاء العلاقة بينهم بالشكل دا فماكانش عندها مشكلة. و بعد سنتين، الست صاحبة القصة قطعت علاقتها بكريس بعد خلاف. و لأنها كان صعب عليها ترجع لحياتها الأحادية السابقة، فبدأت هي و شون جوزها يتعرفوا على غيرهم و هما متجوزين و متفقين على الحياة دي.
دلوقتي الزوجة عندها صاحب جديد، مورجان، إللي عايش معاها هي و جوزها، كريس، في نفس البيت بقالهم سنتين.
(٢)
كنت أم مستقلة عندي ٤ أطفال لما بدأت علاقتي بصديقة عمري تتوطد في شكلها الجديد. عمرنا ما كنا متخيلين إننا ممكن نحب بعض بجد و نبأى عايزين نعيش مع بعض. صاحبتي كانت متجوزة و جوزها الصراحة حبيته هو كمان. كل حاجة حصلت بسرعة. قعدنا و اتكلمنا و لقينا أننا كلنا بنكن لبعضنا مشاعر قوية و كلنا محتاجين بعض و بنميل لبعض جداً و عايزين علاقاتنا تكون علاقات جادة تجاه بعض.
بقالنا سنتين النهاردة عايشين في بيت واحد انا و صاحبتي و جوزها و ولادي و ولادهم. علاقتي مع صاحبتي زي علاقتها مع جوزها و احنا الأثنين بنحبه و علاقتنا معاه قوية زي علاقة الأزواج بالضبط.
ولادنا عايشين في نفس المنزل و مبسوطين جداً و أحلى ما في الموضوع إن القانون مش بيمنعنا من الحياة بالشكل دا.
(٣)
"آدم" رجل إنجليزي عنده ٣٦ سنة عايش بقاله ٥ سنين مع "بروك" و "چين". آدم و بروك عندهم طفل عمره سنتين من علاقة بيولوچية طبيعية و چين دلوقتي حامل من حمل نصف طبيعي.
آدم و بروك و چين عايشين بدون زواج و رأيهم أن العلاقة الثلاثية هي مستقبل العلاقات الناجحة و اللي بتوفر أمان للأطفال بحيث أن كل أم فيهم هاتبقى مطمئنة و هي سايبة ولادها مع الشريك الثالث في العلاقة بدلاً من انها تجيب حد غريب لو اضطرت تسيبهم و تخرج او تروح الشغل او ظروفها تضطرها تبعد عنهم فترة قصيرة.
"أكثر رجل حظاً في إنجلترا" هو العنوان إللي تناولته وسائل الإعلام اللي اتكلمت عن علاقة آدم برفيقاته الاتنين.
(٤)
تكساس - أمريكا - القبض على رجل متزوج من سيدتين تسكنان على بعد ٢٠ ميلاً من بعضهما.
(٥)
القبض على رجل بتهمة تعدد الزوجات بعدما اكتشفت زوجته أنه متزوج من ٣ سيدات غيرها في ٣ ولايات مختلفة.
(٦)
"محامٍ تونسي يطلق حملة لإلغاء قانون منع تعدد الزوجات"
(٧)
"مؤتمر دولى يدعو لتقييد تعدد الزوجات فى مصر"
يا ترى مين فينا المجتمعات الحيوانية و مين المجتمعات إللي أصلها سوي ؟
وجود المشاكل عندنا لا يعني ضرورة تقليد المجتمعات الغربية المريضة. عالجوا المشاكل و ماتكلموناش عن المجتمعات التانية إللي أصلاً هي مجتمعات بتقبل العلاقات الحيوانية و ترفض العلاقات السوية إللي ربنا شرعها للإنسان.
0 التعليقات:
إرسال تعليق